Polietilen Tereftalatoaren (PET) birziklapen kimikoa hidrolisiaren bidez

• Published in: EKAIA Euskal Herriko Unibertsitateko Zientzia eta Teknologia Aldizkaria no. 44; pp. 371 - 388
• Main Authors: Barredo, Asier, Epelde, Eva, Asueta, Asier, Amundarain, Izotz, Leivar, Jon
• Format: Journal Article
• Language: English
• Published: 24.11.2022
• ISSN: 0214-9001; 2444-3255
• DOI: 10.1387/ekaia.23769

Polietilen tereftalato birziklatuaren (rPET) eskaera handiak ingurumenaren gaineko sentsibilizazioak eta legediak bultzatuta, kontsumitu osteko PET plastiko-hondakinen sorkuntza handiarekin batera, birziklatze-prozesu eraginkorren premia ekarri du. Birziklapen-teknologia klasikoak, birziklapen mekanikoa adibidez, ez dira eraginkorrak birziklatzen zailak diren edo birziklatzen ez diren plastikoen kasuan; hau da, geruza anitzekoak diren eta oso kutsatuta dauden hondakinen kasuan. Teknologia hauek ziklo-kopuru mugatua dute, eta despolimerizazio kimikoa, berriz, gai da jatorrizko PETetik hasierako ekoizpeneko lehengaiak ekoizteko. Testuinguru honetan, polietilen tereftalatoaren (PET) hidrolisia PET-hondakinen despolimerizaziorako estrategia jasangarria da, rPET-a birpolimerizatzeko abiapuntu gisa erabil daitekeena eta, beste despolimerizazio teknologiak ez bezala, oso kutsatuta dauden kontsumo osteko PET-hondakinen elikadurak onartzen dituena. Lan honek PET-solbolisiaren egungo egoera aztertzen du, eta bereziki PET-hidrolisiarena, bai laborategi mailan bai industria eskalan, eta haren garapenaren alderdirik garrantzitsuenak zehazten ditu.